Редовното консумирање ореви може да биде од корист за когнитивниот развој на адолесцентите и да придонесе за нивното психолошко созревање, покажуваат резултатите од ново истражување.
Оревите се богати со алфа-линоленска масна киселина (АЛА), вид на омега-3 кој игра фундаментална улога во развојот на мозокот, особено во овој период од животот, истакнуваат експертите.
Инаку, адолесценцијата е време на големи биолошки промени: се случува хормонална трансформација, која е одговорна за стимулирање на синаптичкиот раст на фронталниот лобус. Овој дел од нашиот мозок е она што го овозможува невропсихолошкото созревање, односно посложени емоционални и когнитивни функции. Невроните кои се добро нахранети со овој тип на масни киселини ќе можат да растат и да формираат нови, посилни синапси.
Резултатите од истражувањето покажаа дека адолесцентите кои јаделе ореви најмалку 100 дена (не нужно постојано секој ден) ги зголемиле функциите на вниманието, а оние кои имале некои симптоми на нарушување на хиперактивноста со дефицит на внимание (АДХД) значително го подобриле своето однесување. Исто така, има зголемување на функциите поврзани со флуидната интелигенција.
Извор: eClinicalMedicine
