Бебињата се раѓаат со вродени, односно примитивни рефлекси, кои постапно се губат до првата година од животот. Кои се тие рефлекси кај бебето:
РЕФЛЕКС НА ОДЕЊЕ – педијатарот тој рефлекс ќе го испита така што на првиот преглед ќе го “постави“ бебето на нозе и ќе ги приближи на тврда подлога, а бебето тогаш ќе имитира одење.
РЕФЛЕКС НА ПОЛЗЕЊЕ – бебето овој рефлекс ќе го има доо третиот месец од животот, а кога ќе го ставите на стомаче, ќе ви се чини како да ќе почне да ползи.
РЕФЛЕКС НА ФАЌАЊЕ – тој рефлекс многу веројатно сте го забележиле веднаш по раѓањето, кога бебето ве фатило за прст. Може да го забележите и на стапалата, кога на бебето лесно ќе му ги притиснете табаните, тоа рефлексно ќе ги стисне ножните прсти.
МОРОВ РЕФЛЕКС – тој рефлекс изгледа како бебето да се исплашило, а се случува и додека спие и кога е будно. Се смета дека тоа е единствен ненаучен страв кај бебињата. Се манифестира така што бебето ќе ги рашири рацете како да се предава, ширум ќе ги отвори очите и ќе ја изврти главата.
РЕФЛЕКС НА ЦИЦАЊЕ – тоа е рефлекс со кој бебето ќе се обиде да цица се што ќе му допрете до устата, и е еден од првите рефлекси кои ќе ги развие.
РЕФЛЕКС НА БАРАЊЕ – кога ќе го допрете бебешкиот образ, тоа ќе ја сврти главата на страна и ќе ја отвори устата. Тоа е рефлекс на барање на дојка, и исто така еден од првите кои ги развива бебето.
