Ако имате новороденче, сте забележале дека бебето има многу рефлекси. Од спонтано фаќање на вашиот прст, па сè до тоа смешно движење во сон кога се чини дека се плаши од самото себе.
Бебињата се раѓаат со вродени, односно примитивни рефлекси. Рефлексите кај бебињата постепено се губат до првата година од животот.
НАЈВАЖНИ РЕФЛЕКСИ
Рефлекс на одење – педијатарот ќе го тестира овој рефлекс при првиот преглед така што ќе го „стави“ бебето на нозе и ќе го доближи до тврда површина, а потоа бебето ќе имитира одење – ќе ја крева ногата, ќе го свитка коленото и ќе направи чекор напред. Бебето ќе го изгуби овој рефлекс по третиот месец од животот.
Рефлекс на лазење – бебето ќе го има овој рефлекс до третиот месец од животот. Кога ќе го ставите на стомак и ќе го погалите по табаните, туа ќе се турка како да сака да побегне, па ќе ви се чини како да ќе почне да ползи.
Рефлекс на фаќање – веројатно сте го забележале овој рефлекс веднаш по раѓањето кога вашето бебе ве фатило за прстот. Можете да го забележите и на стапалата – кога лесно ќе ги притиснете табаните на бебето, тоа рефлексно ќе ги стисне ножните прсти.
Моро – рефлекс – овој рефлекс изгледа како бебето многу да се преплашило, а се случува и кога се будни и кога спијат. Се смета дека тоа е единствениот ненаучен страв кај бебињата. Се манифестира со тоа што бебето ги шири рацете како да се предава, широко ги отвора очите и ја наведнува главата.
Рефлекс на цицање – ова е рефлексот со кој бебето ќе се обиде да цица се што ќе му ставите во уста, а тоа е еден од првите рефлекси што ќе ги развие.
Рефлекс на барање – кога ќе го допрете образот на бебето, таа ќе ја сврти главата на таа страна и ќе ја отвори устата. Тоа е рефлексот на барање дојка и, исто така, еден од првите што го развива бебето.
