Децата ни поттикнуваат болки од најскриените места и ги извлекуваат на површина речиси секојдневно. Обично кога се чувствуваме вознемирени поради нешто што детето го направило, всушност чувствуваме болка од некоја своја рана. Родителите не можат да се грижат за дете ако не се во можност прво да се грижат за себе, пишува психологот Џесика ВандерВиер.
Бидете благи со себе
Исто како што треба да бидеме љубопитни за да дознаеме зошто детето се однесува на одреден начин, би било добро да покажеме истата љубопитност и сочувство кон себе и да се обидеме да откриеме зошто некое негово однесување толку многу не повредува.
Запрашајте се дали сте гладни, уморни, преплавени со емоции или едноставно ви треба малку време за себе. Можеби сте под специфичен стрес или однесувањето на вашето дете ви предизвикува некои болни спомени од вашето детство.
Родителите денес се стремат кон совршенство и си поставуваат големи очекувања, а во исто време немаат доволно поддршка и не се зборува доволно за нивното ментално здравје. Треба да запомниме дека сме луѓе и дека сите можеме да залутаме во одреден момент. Во такви ситуации, неопходно е да си дадеме нежност и љубов.
КАКО ДА СИ ПОМОГНЕТЕ?
Кога вашето дете ќе ве “тригерира“ или поттикне, погледнете го во очи. Ова ќе ве зближи во оваа предизвикувачка ситуација каде и на двајцата ви треба поддршка, поврзаност и љубов. Големите емоции на детето можат целосно да не исфрлат од рамнотежа и да создадат непријатност во нашето тело. Опуштете ја вилицата и вдишете длабоко за да ја намалите напнатоста во мускулите.
Понекогаш е важно да се направи мал исчекор. Кажете му на вашето дете дека го слушате и го разбирате, но дека ќе се оддалечите неколку чекори или ќе одите во тоалет на кратка пауза бидејќи се чувствувате многу напнати. Седнете сами неколку моменти, па вратете се.
Ако сфатите дека сте се однесувале како мало дете во оваа ситуација, запрашајте се што би направиле вашите родители во таа ситуација. Какви мисли имате за вашето дете во оваа ситуација и какви размислувања имате за себе како родител? Од тоа место на свест, обидете се да реагирате.
