Потребно:
За тестото
- 1 1/2 лажици инстант кафе
- 80 мл топло млеко
- 3 јајца
- ¼ лажичка сол
- 175 г шеќер
- 80 мл растително масло
- 200 г брашно
- 1 лажичка прашок за печиво
- 1 лажичка екстракт од ванила
За преливот
- 90 г шеќер во прав
- 2-3 лажици млеко измешано со 1 лажичка инстант кафе
Дополнително (по желба)
- Неколку сечкани ореви
- Растопено чоколадо
Подготовка: Растворете го инстант кафето во топло млеко и оставете го да се олади. Матете ги јајцата со шеќер и сол додека не се добие пенаста смеса. Додадете масло, ванила, и оладеното кафе, а потоа соединете. Измешајте го просеаното брашно со прашокот за печиво со лесни движења. Истурете ја смесата во плех со димензии 20 x 20 см обложен со хартија за печење. Печете во претходно загреана рерна на 175°C 30-35 минути, додека чепкалка за заби забодена во средината не излезе чиста. Оставете го колачот да се олади. Измешајте го шеќерот во прав со млекото и кафето и прелијте врз изладениот колач. По желба, наросете со сечкани ореви или прелијте со стопено чоколадо. Добар апетит!
