РЕЦЕПТ НА ДЕНОТ: Брз ручек со компири готов за 12 минути

Овој рецепт носи формула три во едно - брзо, евтино и вкусно! Додека рерната се загрева, веќе ќе ја завршите подготовката. За само 12 минути, јадењето е готово, вкусно и визуелно привлечно, подготвено да ги воодушеви и домашните, но и вашите гости.

Потребно:

  • 3 големи компири
  • 6 парчиња сланина
  • 100 г кашкавал по избор
  • 6 јајца
  • 2 лажици сечкан кромид

Подготовка: Излупете ги компирите (доколку користите млади компири, не е потребно) и исечете ги по должина. Издлабете ја внатрешноста на пошироката страна, а од долната страна израмнете за да стојат стабилно. Внимавајте да не го прободете дното. Ставете ги издлабените компири во вода за да не потемнат. Исцедете ги и наредете ги на плех за печење со отворот надолу. Завиткајте парче сланина околу секој издлабен компир и прицврстете го со чепкалка за заби. Печете 45 минути на 200 °C додека сланината не стане крцкава. Кога малку ќе се олади, ставете парче кашкавал на дното и скршете по едно јајце во секој компир врз него. Печете 6–12 минути на 180 °C додека јајцето не се испече по ваш вкус. Добар апетит!

ПОВРЗАНИ НАПИСИПОВЕЌЕ ОД АВТОРОТ