Потребно:
За тестото:
- 4 јајца
- 150 гр шеќер
- 100 гр брашно
- 1 кесичка прашок за печиво
- 100 мл масло
- 100 мл млеко
- 2 лажици какао
За филот:
- 500 мл млеко
- 100 гр шеќер
- 100 гр кокос
- 3 лажици брашно
- За чоколадната глазура:
- 150 гр темно чоколадо
- 50 гр путер
- Малку кокос за посипување
Подготовка: Пенесто измиксирајте ги јајцата со шеќерот. Додадете масло и млеко, па брашното со прашокот за печиво. Мешајте додека смесата не стане без грутки. Поделете го на два еднакви дела и во едниот додадете какао – измешајте сè да се соедини. Лесно подмачкајте ја тавата за печење, посипете ја со брашно и прелијте ја половината од смесата во која не сте додале какао (темната смеса ќе оди одозгора). Се пече на 170 степени околу 10 минути. Додека се пече бисквитот, подгответе го филот. Брашното и шеќерот измешајте ги со дел од млекото, а остатокот од млекото ставете го во тенџере да зоврие. Кога ќе зоврие, смесата со брашно и шеќер истурете ја во млекото и вратете ја на оган, па варете додека не се згусне. Кога ќе се згусне, измешајте го кокосот. Врз полупечениот жолт бисквит ставете го сварениот фил од кокос, израмнете го со шпатула и прелијте го со темниот дел од смесата. Повторно ставете сè во рерна на половина час. Испечениот колач добро изладете го, па прелијте го со чоколадната глазура која сте ја подготвиле на пареа и посипете со малку кокос. Добар апетит!
