Потребно:
- 1 кг брашно
- 40 гр свеж квасец
- 4 јајца
- 300 мл јогурт
- 200 мл вода
- 150 гр шеќер + околу 150 гр за посипување
- 150 гр маргарин + 100 гр за премачкување
Подготовка: Растворете го квасецот во млака вода и додадете една лажица шеќер. Измешајте ги брашното, јогуртот, јајцата, преостанатиот шеќер, стопениот маргарин и активираниот квасец. Тестото мора да биде меко и лепливо. Добро измесете го и оставете го да отстои еден час, додека не се удвои во големина. Кога тестото ќе нарасне, работната површина посипете ја со брашно, истурете го тестото и месете нежно и полека. Површината и тестото повторно посипете ги со брашно и расукајте со сукало до дебелина од 1 – 1,5 см. Со чаша вадете ги крофните и ставете ги на плех што сте го подмачкале со друг маргарин. Погрижете се да оставите простор помеѓу крофните бидејќи ќе нараснат многу и затоа дефинитивно нема да ви ги собере во еден плех. Првиот плех крофни оставете го да отстои 15 минути, а потоа вклучете ја рерната да се загрее на 180 степени. Дури тогаш почнете да ја вадите втората серија крофни. Откако рерната ќе се загрее и крофните ќе се удвојат во големина, печете ги додека не поруменат. Додека се печат, растопете го преостанатиот маргарин и веднаш штом ќе ги извадите од рерна, веднаш премачкајте ги со него крофните и посипете ги со шеќер. Добар апетит!
