Потребно:
- 1 јајце
- 280гр брашно
- 60гр путер
- 100гр шеќер во прав
- 100мл масло
- 1 кесичка прашок за печиво
- 1 лажичка екстракт од ванила
- Малку сол
- 60гр сечкани ореви
За украсување:
- Ореви
- Бело чоколадо
Подготовка: Ставете го путерот во чинија, додадете го шеќерот, солта, екстрактот од ванила и измешајте со шпатула. Додадете го маслото, повторно измешајте, па додадете го јајцето и се заедно измешајте со шица за матење. Додадете ги оревите, па потоа брашното со прашокот за печиво. Со шпатулата измешајте, па изработете тесто со раце. Тавчето обложете го со хартија за печење. Од смесата формирајте топчиња, малку сплеснете ги и на врвот втиснете јатка орев. Редете ги во тавчето. Печете ги на 170 степени, 20-25 минути. По желба колачите можете да ги украсите со бело чоколадо, кое претходно ќе го растопите.
