Потребно:
- 100 грама рендан кашкавал
- 180 гр свежо сирење (урда)
- 1 јајце
- Прстофат сол
- 100 гр оризово брашно
- 1/2 лажичка прашок за печиво
- Малку сирење и сусам за посипување
- 1 жолчка за премачкување
Подготовка: Измешајте го свежото сирење (урдата), јајцето и малку сол. Додадете го ренданиот кашкавал и измешајте. Додадете го брашното и прашокот за печиво и потоа замесете меко тесто што не се лепи. Ставете го во кеса и ставете го во фрижидер 15 минути. Поделете го тестото на мали парчиња. Секое парче виткајте го во форма на јаже и спојте ги краевите така што ќе добиете ѓеврек. Ѓевреците премачкајте ги со жолчка, посипете ги со сусам и малку сирење. Печете во добро загреана рерна на 180 C околу 20-30 минути. Добар апетит!
