Потребно:
- 1 лажица маслиново масло
- 1 помал кромид
- 3 чешниња лук
- 2 стапчиња целер
- 1 морков
- 1 лажичка цимет
- 300гр домати
- 1 ловоров лист
- 2 лажички ситно сечкан босилек
- 300гр тестенини
Подготовка: Во поголемо тенџере загрејте го маслото, ситно исечкајте го кромидот, целерот, лукот и морковот и ставете ги внатре. Гответе, мешајќи, на тивок оган 6 до 8 минути или додека зеленчукот не омекне. Додадете ги циметот, доматите, ловоровиот лист и босилекот. Оставете да зоврие, поклопете, намалете ја температурата и оставете да се вари 20-25 минути. Повремено мешајте додека сосот не се згусне и не стане сјаен. Ако сакате поредок сос, додадете малку вода. Додека се готви сосот, сварете ги тестенините според упатствата на производителот. Исцедете ги и измешајте ги со сосот. Добар апетит!
