РЕЦЕПТ НА ДЕНОТ: Домашно топло чоколадо

Доаѓаат студени, зимски денови. Во исчекување на празничните радости што ќе кулминираат со прославата на Божиќ, полека се враќаме на нашите омилени класици што дефинитивно ќе ги направат празниците оваа година потопли. Овој рецепт за топло чоколадо има двојна придобивка: покрај тоа што ќе ве загрее, тука се и ѓумбирот и портокалот за подобро расположение и секогаш важната грижа за имунитетот.

Потребно:

  • 500 мл млеко
  • 100 г темно чоколадо (70% какао), ситно исечкано
  • 1 лажица какао
  • 1 лажичка рендана кора од портокал
  • ½ лажичка свежо рендан ѓумбир
  • 1 лажичка мед или шеќер
  • По желба: шлаг или малку цимет за посипување

Подготовка: Во мало тенџере, загрејте го млекото со ренданата кора од портокал и ѓумбирот на тивок оган, но не дозволувајте да зоврие. Гответе на тивок оган 3-4 минути за да ги ослободите аромите. Додадете го ситно исечканото чоколадо и какаото и мешајте додека целосно не се стопи и смесата не стане мазна и густа. Засладете со мед или шеќер по желба. Ако текстурата е премногу густа, додадете малку млеко. Гответе уште една минута и процедете низ ситно цедалка ако сакате да ги отстраните парчињата ѓумбир и кора. Сервирајте веднаш, со малку шлаг и наросете цимет по желба. Добар апетит!

ПОВРЗАНИ НАПИСИПОВЕЌЕ ОД АВТОРОТ