Потребно:
- 550 гр компири
- 1 кромид
- 1-2 пиперки
- 3 чешниња лук
- 450 гр мелено месо
- Мелен црвен пипер
- 1 лажичка оригано
- Фета сирење
- Малку моцарела
Подготовка: Сварете ги компирите со лушпа. Процедете и кога ќе се оладат, излупете ги и исечете ги на коцки. Во тава на малку масло пропржете го меленото месо, посолете и побиберете, измешајте, па префрлете во сад. Потоа во истата тава пропржете го ситно сечканиот кромид, посолете и пропржете додека да омекне. Потоа додадете ја сечканата пиперка и мелениот лук, а по една минута додадете ги во садот со меленото месо. Потоа ставете уште малку масло во тавата и пропржете ги компирите. Посолете и додадете мелен црвен пипер, па измешајте. Кога ќе стане крцкав, додадете го меленото месо и кромидот. Посипете со оригано и промешајте, па пропржете уште малку. Тргнете го од шпорет, па наросете со иситнето фета сирење и сечкана моцарела. Печете во загреана рерна на 230°C околу 10 минути. Добар апетит!
