Потребно:
- 2 главици кромид
- 2 моркови
- 2 тиквици
- 2 домати
- 1 чешне лук
- 1 китка магдонос
Подготовка: Исечкајте го кромидот и пропржете, па додадете го морковот. Кога малку ќе омекне, додадете ги тиквичките исечени на коцки, па измешајте. Покријте и динствувајте околу 7 минути. Доматот засечете го и ставете го во жешка вода околу 5-10 минути, а потоа излупете ја кората и ситно исечкајте го. Се додава во зеленчукот, се зачинува по желба, па се додава сечканиот лук и сечканиот магдонос. Сè добро измешајте и гответе уште 10 минути. Добар апетит!
