РЕЦЕПТ НА ДЕНОТ: Ќофтиња од тиквици и овесни снегулки

Ќофтиња во сос од домати со пире од компири се меѓу омилените јадења и на децата и на возрасните. Ако сакате да ги јадете, но можеби не сакате месо или едноставно сакате да пробате нешто поинакво, ви предлагаме да ги пробате ќофтињата од тиквички и овесни снегулки, кои изобилуваат со разновиден зеленчук. Тие се неверојатно вкусни и лесни за подготовка.

Потребно: 

  • 5 супени лажици овесни снегулки
  • 1 тиквичка
  • 1 лажичка сол
  • 100 гр кашкавал
  • 1 морков
  • 2 јајца
  • 1 китка магдонос
  • 2 чешниња лук
  • 1 компир

Подготовка: Овесните снегулки сомелете ги во блендер, па ставете ги во сад и додадете го ренданиот кашкавал. Тиквичката изрендајте ја, посолете ја и оставете 15 минути да се исфрли вишокот течности. Потоа добро исцедете ја и додајте ја во смесата, а потоа додадете рендан морков, рендан компир, јајца, сечкан магдонос и сечкан лук. Сè убаво измешајте и формирајте ќофтиња. Натопете ја хартијата за печење, па ставете ја во тавчето за печење и наредете ги ќофтињата. Се пече во загреана рерна на 180°C околу 45 минути. Добар апетит!

ПОВРЗАНИ НАПИСИПОВЕЌЕ ОД АВТОРОТ