Потребно:
За тестото:
- 4 белки
- 1 ванилин шеќер
- 150 г шеќер
- 1 прстофат сол
- 1 лажица брашно
- 0,5 кесичка прашок за печиво
- 200 г кокос
За кремот:
- 4 жолчки
- 3 лажици густин
- 300 мл млеко
- 100 г чоколадо за готвење
- 200 мл шлаг
И уште:
- 150 г чоколадо за готвење
- Пржен, изладен кокос
Подготовка: Белките изматете ги со миксер и постепено додадете го ванилиниот шеќер и шеќерот. Измешајте, потоа додадете ја солта, брашното, прашокот за печиво и кокосот и повторно добро измешајте. Истурете во намастен плех и печете 25 минути на 180 степени. Изладете го пандишпанот, а кога ќе се излади, прелијте го со растопеното чоколадо за готвење и оставете го чоколадото да се стегне. Во сад измешајте ги жолчките, густинот и 100 мл млеко, па тоа сварете го во 200 мл млеко. во топлиот крем додадете го чоколадото за готвење, измешајте и изладете. Со миксер изматете ја павлаката за шлаг, а потоа половина од неа додадете во кремот и кратко измешајте. По пандишпанот и чоколадната глазура распоредете го кремот, а потоа другата половина од изматениот шлаг нанесете ја врз кремот и украсете со пржен изладен кокос. Добар апетит!
