РЕЦЕПТ НА ДЕНОТ: Крем чорба од карфиол

Добар ручек не може да се замисли без супа или чорба, а посебно во есен и зима кога ваквите јадења не греат. Домашната крем чорба од карфиол е одличен начин да се окрепите и да го подигнете имунитетот, бидејќи изобилува со витамини. Може да биде и комплетен оброк бидејќи заситува и е хранлива.

Потребно:

  • 1 главица карфиол
  • 2 компира
  • 1 кромид
  • 1 чаша кисела павлака
  • Сол
  • Црн пипер

Подготовка: Во тенџере ставете го ситно исечканиот кромид, цветовите карфиол и компирот исечен на коцки. Налејте вода и варете додека зеленчукот не омекне. Потоа се заедно изблендирајте со рачен миксер, зачинете, па додадете ја павлаката. Оставете да се вари уште 5-7 минути. Добар апетит!

ПОВРЗАНИ НАПИСИПОВЕЌЕ ОД АВТОРОТ