Потребно:
- 2 големи модри патлиџани
- 250гр кравјо сирење
- 2 кисели павлаки
- 50гр сечкани ореви
- 1/2 китка магдонос
- 1 чешне лук
Подготовка: Модрите патлиџани се мијат и се ставаат во рерна да се печат на 200 степени, додека не фатат кора од сите страни. Потоа се оставаат да се ладат, па се лупат и се сечкаат на ситно. Во друг сад се ренда сирењето, се додаваат модрите, павлаката, ситно исечканиот магдонос, оревите и лукчето. Се меша се убаво. Салатата се остава кратко да се олади во фрижидер и се сервира. На здравје!
