Потребно:
- 5 јајца
- 100гр шеќер
- 60мл масло
- 60мл млеко
- 60мл вода
- 100гр брашно
- 20гр какао
- 1 прашок за печиво
- Малку маргарин за подмачкување
За сирупот:
- 20мл вода
- 70гр шеќер
За чоколадниот прелив:
- 300гр чоколадо за готвење
- 500мл слатка павлака
Подготовка: Вклучете ја рерната на 180 степени. Со миксер изматете ги пенасто белките, па постепено додавајте го шеќерот, лажица по лажица. Потоа додадете ги жолчките и матете додека не се соединат. Брашното, какаото и прашокот за печиво низ цедалка просејте ги во смесата и измешајте со лажица. Со малку маргарин намастете го тавчето и ставете ја смесата. Печете 20 минути во претходно загреаната рерна. 
Кога ќе биде готов, оставете го да се олади. Состојките за сирупот, ставете ги да провријат на средна температура околу една минута. Оставете сирупот да се олади околу 10 минути, и со него полејте го колачот. Чоколадниот прелив подгответе го така што во тенџере ќе ја ставите слатката павлака и чоколадото за готвење. На средна температура оставете чоколадото да се растопи. Жешкиот прелив истурете го врз оладениот колач. Ставете го десертот во фрижидер да се олади, најмалку 3-4 часа.
