Потребно:
- 300 г тестенини (пене, фусили или шпагети)
- 250–300 г печурки (шампињони или мешавина)
- 1 мал кромид или младо кромитче
- 1 чешне лук
- 1 лажица маслиново масло
- 1 мала лажичка путер (по желба)
- 150 мл павлака за готвење
- Сол по вкус
- Малку бибер (по желба)
- Малку сушен или свеж магдонос
- Рендан кашкавал или пармезан (по желба)
Подготовка: Сварете ги тестенините според упатството на пакувањето, во посолена вода. Зачувајте половина чаша од водата во која се вареа. Во тава загрејте маслиново масло и путер. Додајте ситно сечкан кромид и кратко пропржете додека омекне. Додадете ги печурките исечени на листови и пржете ги на средна температура додека не ја испуштат и не испари течноста. Додадете лук и пржете уште 30 секунди (внимавајте да не загори). Додајте павлака за готвење, посолете и, по желба, побиберете. Оставете сосот да крчка 2–3 минути. Додајте ги сварените тестенини и малку од зачуваната вода за да се поврзе сосот. Промешајте, тргнете од оган и посипете со магдонос и рендан пармезан или кашкавал по желба. Добар апетит!
