Потребно:
- 500 гр рикота сирење
- 1 јајце
- 1/2 чаша рендан пармезан
- 3 лажици сечкан магдонос
- 1 лажичка сол + 1/2 лажичка сол
- 1 лажичка црн пипер + 1/2 лажичка црн пипер
- 12 варени кори за лазања
- 3 лажици маслиново масло
- 1 главица кромид
- 2 чешниња лук
- 500 гр мелено месо
- 2 лажички мешавина од италијански зачини
- 2 чаши сос од домати
- 1,5 чаши рендано сирење моцарела
Подготовка: Во голема тава загрејте го маслиновото масло, а потоа додадете го исечканиот кромид. Динствувајте околу 10 минути, а потоа додадете го меленото месо и динствувајте околу 10 минути. Додадете сол, бибер, мелено лукче, мешавина од италијански зачини, сос од домати (1 чаша), и добро измешајте ги сите состојки. Во сад измешајте го рикота сирењето, јајцето, пармезанот, магдоносот,сол и бибер (по 1/2 лажичка). На секоја сварена кора за лазања нанесете по 2 лажици од смесата со пармезан и размачкајте, а потоа распоредете 1-1,5 лажица од меленото месо. Свиткајте ги корите, за да добиете ролнички. Наредете ги лазања ролничките вертикално во огноотпорен сад, една до друга. Прелијте ги со 1 чаша доматен сос, а потоа со сечкана моцарела. Печете ги 25 минути на 190°C. По желба можете да наросите со пармезан. Добар апетит!
