Потребно:
- 1 пакување лазањи
- 1 виолетов кромид
- 4 чешниња лук
- 2 јајца
- 300гр спанаќ
- 400гр рикота сирење (може и несолена урда)
- 200гр моцарела
За сосот:
- 100мл сос од домати
- 3 лажици маслиново масло
- Сол
- Црн бибер
Подготовка: Пропржете го исечканиот кромид во тавче. Динствувајте додека не зарумени, па додадете го лукот и динствувајте уште малку. Оставете го настрана малку да се олади. Во поголем сад изматете ги јајцата, додадете го рикота сирењето, спанаќот и половина од моцарелата. Додадете сол и црн бибер во количина по желба. Оладените кромид и лук додадете ги во мешавината. Се заедно убаво измешајте. Во друг сад измешајте ги состојките за сосот. Ставете половина од овој сос на дното од садот во кој ќе ги печете лазањите. Наредете еден ред од листовите лазања, па врз нив од мешавината со спанаќ и сирење. Повторете ја постапката три пати. На крајот прелијте со преостанатиот сос, наредете ја моцарелата и покријте со алуминиумска фолија. Печете 30 минути, потоа тргнете ја фолијата и печете уште 15 минути. Добар апетит!
