Потребно:
- 6 големи тортиљи
Сос со месо:
- 1 кромид
- 2 средни моркови
- 450 г мелено мешано месо
- 500 мл пире од домати
- Сол, бибер, лук, чили (по вкус)
Бешамел сос:
- 100 г путер
- 2 лажици брашно
- 500 мл млеко
- 1 лажичка сол
- 1 лажичка шеќер
- 100 г кашкавал за наросување
Подготовка: Испржете го ситно исечканиот кромид и ренданиот морков во малку масло додека не омекнат. Додадете го меленото месо и пржете додека не ја промени бојата. Потоа истурете го пирето од домати и зачинете по вкус. Оставете да крчка неколку минути додека сосот малку не се згусне. Растопете путер во посебен сад, додадете брашно и пржете кратко. Постепено додавајте го млекото постојано мешајќи за да добиете мазен сос. Зачинете со сол и гответе додека не се згусне. Во кружен сад/тава за печење ставете еден ред тортиљи, потоа филот од месо, па бешамел сосот. Повторете го процесот додека не ги искористите сите состојки, завршувајќи со слој бешамел. Покријте го садот со алуминиумска фолија и печете во претходно загреана рерна околу 15 минути. Отстранете ја фолијата, наросете со рендан кашкавал и вратете го во рерна уште 5 минути, додека кашкавалот не се стопи и не добие златна кора. Добар апетит!
