Потребно:
За тестото:
- 6 жолчки
- 5 лажици шеќер
- 5 лажици млака вода
- 5 лажици млако млеко
- 1 чаша масло
- 3 лажици какао
- ½ прашок за печиво
- 6 лажици брашно
Мерката е чаша од 180 мл.
За кремот:
- 6 белки
- 15 лажици шеќер
За глазурата:
- 150 гр темно чоколадо
- 4 лажици масло
- 4 супени лажици млеко
Подготовка: Измиксирајте ги жолчките со шеќерот додека смесата не стане пенеста, а потоа додадете ги останатите состојки за пандишпанот. Сè добро измешајте. Смесата истурете ја во намрсен и набрашнет плех и печете 20 минути во загреана рерна на 180 степени. По 10 минути печење, изматете ги белките во снег и постепено додавајте 15 лажици шеќер. Миксирајте 10 минути. Извадете го пандишпанот од рерна, која потоа ќе ја зголемите на 200 степени и распоредете ги изматените белки. Печете уште 5 минути. Растопете го чоколадото на тивок оган, заедно со млекото и маслото и прелијте го врз колачот. Исечете го веднаш и оставете го да се излади. Добар апетит!
