Потребно:
- Пилешко месо (по желба – батаци, бело месо, крилца…)
За маринадата:
- Сол, бибер, коријандер, мајчина душица
- 3-4 главици кромид (исечени на ленти)
- Лук (по вкус)
- Рузмарин (свеж или сушен)
- Маслиново масло
- Суво бело вино
Зеленчукова основа:
- 2 главици кромид (ситно исечкани)
- 1 голем морков (исечен на кругови или стапчиња)
- 250 мл зовриена вода со сол, бибер, ловоров лист
- Лук (ситно сечкан)
- Свеж магдонос
Подготовка: Во голем сад измешајте сол, бибер, коријандер, мајчина душица и рузмарин. Додадете маслиново масло, суво бело вино, сечкан кромид (3-4 главици) и лук по вкус. На крај, додадете го пилешкото и добро протријте го со маринадата. Покријте го садот и оставете го во фрижидер најмалку 2 часа, по можност преку ноќ. Во длабок сад или тава со капак, пржете го ситно исечканиот кромид (2 главици), додадете ги морковите и ситно исечканиот лук. Пржете 5-10 минути во малку масло додека сè не омекне. Додадете ја зачинетата вода. Додадете сол, бибер и два ловорови листа во 250 мл вода. Оставете да зоврие, па прелијте го зеленчукот. Додадете малку свеж магдонос. Наредете го маринираното месо врз зеленчукот, заедно со кромидот од маринадата, во огноотпорен сад или тава. Печете сè заедно во претходно загреана рерна на 200°C околу 45 минути до еден час, додека месото не добие златно-кафеава боја, а соковите не се згуснат во прекрасен сос. Добар апетит!
