Потребно:
За тестото:
- 500 г брашно
- 20 г свеж квасец
- 20 г путер
- 2 жолчки
- 1 јајце
- 2,5 дл млеко
- 10 г сол
- 60 г шеќер
- 1 ванилин шеќер
- Малку кора од лимон
За филот:
- 5-6 јаболки
- 400 г ореви
- 80 г шеќер
- малку цимет по вкус
- 0,5 дл ракија
- 1-2 лажици презла
- Шеќер во прав за посипување
Подготовка: Во мал сад, издробете го квасецот, додадете малку топло млеко и малку шеќер и оставете го 10 минути да се активира и да се запени. Во поголем сад, измешајте го брашното, солта, шеќерот, ванилиниот шеќер и ренданата кора од лимон. Додадете го јајцето, жолчките, растопениот путер, преостанатото млеко и подготвениот квасец. Замесете во мазно и меко тесто и месете го 10-15 минути додека не стане еластично. Покријте го со крпа и оставете го да нарасне околу еден час, додека не се дуплира во големина. Излупете ги и изрендајте ги јаболката. Додадете ги мелените ореви, шеќерот, циметот и ракијата и добро измешајте сè. Додадете презла доколку е потребно за филот да не биде премногу влажен. Расукајте го нараснатото тесто на набрашнета површина во правоаголник со дебелина од околу 0,5 см. Рамномерно распоредете го филот врз тестото и внимателно замотајте го во ролат. Префрлете го во намастен плех или калап и лесно обликувајте го. Оставете го да нарасне уште 20-30 минути. Ставете го во претходно загреана рерна на 180° C. Можете да го премачкате тестото со јајце пред печење. Печете 40-45 минути додека не порумени. Извадете го од рерна и оставете го малку да се олади. Посипете со шеќер во прав пред сервирање. Добар апетит!
