Потребно:
- 1кг млади тиквички
- 3-4 парчиња млад кромид
- 1 морков (сечен на кругови)
- 150гр интегрален ориз
- 2 јајца
- 200мл кисела павлака
- 2 чешниња лук
- 100гр рендано сирење
- Свеж магдонос
Подготовка: Тиквичките се мијат, лупат и се сечат на кругови или по должина. Се посолуваат и оставаат да отстојат и да пуштат вода. Потоа се мијат под млаз ладна вода. Оризот се вари и се цеди од водата. Огноотпорен сад се премачкува со многу малку масло, па се става ред тиквички, преку нив се става сварениот ориз, кој претходно сте го измешале со морковот, младиот кромид, лукот и сирењето. Повторно се става ред тиквички. Се става да се пече во рерна на 180 степени, околу 20 минути. Пред крај се матат јајцата и павлаката, се прелева муската и се остава да се запече во рерна уште пет минути.
