Потребно:
- 500гр мешано мелено месо
- 1 главица млада зелка
- 1 кромид
- 200гр домати
- 3 моркова
- 2дцл говедска супа од коцка
- 150гр ориз
- 200мл кисела павлака
- 3 јајца
- 400мл млеко
- 50мл масло за јадење
- 1 лажичка мелен црвен пипер
- Зачини
Подготовка: Зелката исечете ја по должина на ленти, а кромидот и морковот на коцки. На малку масло пропржете го кромидот и морковите за да омекнат. Додадете го меленото месо, па и него кратко пропржете го. Додадете малку од супата, оризот и динствувајте додека месото не омекне. Додадете ги доматите и црвениот пипер, зачини по вкус и динствувајте додека течноста не зоврие. Исечканата зелка кусо издинствувајте ја да омекне. Во огноотпорен сад ставете малку масло и прво ставете ја смесата со месото, па пропржената зелка. Посебно изматете ја павлаката, млекото и јајцата и прелијте со нив врз зелката. Печете во загреана рерна на 200 степени, додека не зарумени.
