Потребно:
- 4 шолји рендан и излупен компир
- 1 јајце
- 3 лажици брашно
- 1 лажица рендан кромид
- 1 лажичка сол
- ¼ лажичка бибер
- Масло за пржење
- Павлака (по желба)
Подготовка: Измијте го изренданиот компир во ладна вода, добро исушете го да излезе целата вода. Ставете го во поголем сад. Додадете го јајцето, брашното, кромидот, солта и биберот и се заедно соединете. Во поголемо тавче кое не лепи на средна температура загрејте масло (дното да биде целосно покриено со масло во висина од околу половина сантиметар). Третина шолја наполнете со смесата и спуштајте во маслото. Со лопатка внимателно притиснете да се израмни и да добие форма на американска палачинка. Пржете од двете страни додека не добие златно-кафена боја, па извадете ја на хартиена салфета да се впие вишокот маснотија. По желба служете ги веднаш со кисела павлака.
