Потребно:
- 2 лажици масло
- 8 пилешки подкопани со кожа
- 2 главици кромид, исечкани
- 1 црвена лута пиперка, исечкана на коцки
- 2 црвени пиперки исечкани на коцки
- 400 мл пилешки бујон
- Ситно рендана кора од ½ портокал
- 2 големи чешниња лук
- 150 гр мајонез
- Сок од ½ лимон
- Неколку гранчиња ситно сечкан свеж магдонос
Подготовка: Во широко тавче на средна температура додадете половина од маслото. Ставете им сол и црн пипер на подкопаните, ставете ги во тавата со кожата надолу и пржете 5 минути додека кожата не стане крцкава и златна. Тргнете ги на страна во чинија. Во истата тава додадете го преостанатото масло, па исечканиот кромид, лутата пиперка и црвените пиперки. Пржете 5 минути додека да омекне кромидот. Ставете го пилешкиот бујон и додадете ја кората од портокал. Динствувајте 5 минути, а потоа истурете ја содржината од тавата во блендер и изматете во мазен, светло портокалов сос. Вратете го сосот назад во тавата, а потоа ставете ги подкопаните, но така да кожата биде нагоре. Оставете да се динствува 20-25 минути или додека пилешкото не биде готов. Во меѓувреме, ситно изрендајте едно чешне лук, а потоа измешајте со мајонезот, сокот од лимон и малку сол. Кога пилешкото е испечено, внимателно извадете го од сосот и ставете го на чинија. Во тавчето додадете го мајонезот со лукот, што на сосот ќе му даде уште подобар вкус. По желба одозгора наросете со сечкан магоднос. Добар апетит!
