Потребно:
- 1 морков (околу 80 гр)
- 200 гр карфиол
- 450 гр мелено пилешко месо
- 2 лажички зачини по избор – оригано, босилек, мајчина душица, рузмарин
- 1 лажичка лук во прав
- 80 гр презла
Подготовка: Загрејте ја рерната на 180С. Карфиолот и морковот ставете ги во блендер и мешајте додека не се исечкаат на ситно. Додадете ги сите состојки во голем сад. Мешајте додека не се соединат. Извадете околу 1 лажица од смесата и со раце обликувајте топчиња. Додадете презла во голема чинија. Валкајте ги топчињата во презлата. Ставете ги во тавче обложено со хартија за печење. Попрскајте со масло за крокетите да бидат покрцкави (по избор). Печете 20-25 минути, превртувајќи го по 10 минути на другата страна. Послужете ги топли. Добар апетит!
