Потребно:
- 1 лажичка маслиново масло
- 25 гр путер
- 2 пилешки копани
- 2 пилешки надкопани
- 1 главица кромид, исечкана
- 2 чешниња лук
- 200 гр шампињони
- 230 мл црвено вино
- 2 лажици доматен концентрат
- 1 лажичка сува мајчина душица
- 500 мл пилешки бујон
- Сечкан магдонос (по желба, за посипување)
Подготовка: Во големо тенџере загрејте го маслиновото масло и половина путерот. Зачинете го пилешкото и пржете го околу пет минути од секоја страна додека не порумени. Оставете го пилешкото на страна. Во тава растопете го преостанатиот путер, а потоа додадете го кромидот и пржете околу пет минути додека да омекне. Додадете го лукот и пропржете го околу една минута, а потоа додадете ги печурките и пржете две минути. Додадете црвено вино, промешајте и ставете го и концентратот од домати. Оставете да зоврие, а потоа намалете ја топлината. Додадете мајчина душица и залијте со пилешкиот бујон. Додадете го пилешкото месо, покријте го и динствувајте на тивок оган еден час додека пилешкото да стане прилично меко. Извадете го пилешкото од тенџерето. Оставете го сосот да врие десетина минути додека не стане како сируп. Вратете го пилешкото и послужете го со прилог по ваш избор, а по желба можете да го наросите со сечкан магдонос. Добар апетит!
