Потребно:
За 4 лица
- 600гр пилешко бело месо
- 1кг поситен компир
- 1 кромид
- 2 моркова
- 150гр шери домати
- 2 помали тиквички
- 3 лажици маслиново масло
- Зачини
Подготовка: Компирот убаво измијте го и ставете да се вари во солена вода, 20 минути. Откако ќе се олади, излупете го. Кромидот исечкајте го, морковот исечете го по должина на стапчиња. Измијте ги доматите и преполовете ги. Тиквичките исечкајте ги на кругови. Во зовриена вода ставете малку маслиново масло и бланширајте го морковот 3 минути, па ставете го под млаз ладна вода и оставете да се исцеди. Пилешкото месо исечете го на коцки и зачинете со сол и бибер. Во тавче со загреана една лажица масло испржете го месото, па извадете го и ставете го настрана. Додадете уште малку масло и во него пропржете го компирот околу 8 минути. Додадете го кромидот и тиквичките и пржете уште 3 минути. Додадете го месото, доматите и зачините по желба.
