Потребно:
- 150 гр цветови од брокула
- 300 гр тиква
- 2 лажици маслиново масло
- 700 гр пилешко филе
- 15 гр путер
- 1/4 лажичка сол и црн пипер
- Половина кромид исечен на коцки
- 7-8 чешниња лук, ситно сечкани
- 2 лажички сушен магдонос
- 300 мл пилешки бујон
- 180 мл полномасно млеко
- 1 лажица пченкарен скроб
Подготовка: Загрејте ја рерната на 200°C. Обложете голем плех со хартија за печење. Распоредете го зеленчукот во еден слој на плехот. Прелијте со 1 лажица маслиново масло и измешајте. Посипете со сол и бибер и печете 20 минути. Во меѓувреме, запечете го пилешкото. Загрејте ја преостанатата 1 лажица маслиново масло во голема тава на средна температура и додадете го пилешкото бело месо во тавата, посипете со сол и бибер и пржете го месото по 4 минути на секоја страна и потоа покријте го со фолија. Направете го сосот така што ќе го додадете путерот во загреана тава и нежно мешајте додека се топи. Додадете сол, бибер, кромид, лук, магдонос и пилешки бујон. Оставете го сосот да врие 5 минути, повремено мешајќи. Изматете го полномасното млеко и пченкарниот скроб со вилушка. Полека истурете ја смесата со скробот во тавата, мешајќи да се соедини. Варете, мешајќи, 1 минута. Вкусете и прилагодете ги зачините доколку е потребно. Додадете го пилешкото и печениот зеленчук во тавата, мешајќи да се прекрие сè со сосот. Префрлете ја тавата во рерна и печете 5-10 минути или додека не се испече пилешкото. Извадете го од рерна и по желба украсете со свеж магдонос пред послужување. Добар апетит!
