Потребно:
- 4 половинки пилешко филе
- Сол и бибер по вкус
- 2 јајца
- 240 гр презла или повеќе по потреба
- 180 гр рендан пармезан
- 2 лажици брашно
- 120 мл маслиново масло за пржење
- 120 гр сос од домати
- 60 гр моцарела исечкана на мали коцки
- 60 гр сецкан свеж босилек
- 120 гр рендан кашкавал
- 2 лажички маслиново масло
Подготовка: Најпрво загрејте ја рерната на 230 степени. Исчукајте го пилешкото месо да биде со дебелина од 5 см. Потоа убаво зачинете го со сол и бибер. Филето посипете го со брашно, рамномерно премачкајте ги двете страни. Изматете ги јајцата во плиток сад и оставете ги на страна. Во посебен сад измешајте ги лебните трошки и половина од пармезанот, па оставете ги на страна. Во изматените јајца потопете го месото премачкано со брашно. Префрлете го во смесата со презла и посипете од двете страни. Оставете го пилешкото да одмори 10 до 15 минути. Загрејте го маслото во тава на силен оган и пржете го пилешкото во врело масло додека не порумени, околу 2 минути по страна. Префрлете го пилешкото во сад за печење. Секое филе прелијте го со 2 лажици доматен сос, парчиња моцарела, свеж босилек и кашкавал. Одозгора посипете го преостанатиот пармезан и накапете со малку маслиново масло. Печете го во загреана рерна додека кашкавалот не порумени, 15 до 20 минути. Добар апетит!
