Потребно:
- 2-3 пакувања тортиљи
- 250гр шунка
- 300гр кашкавал
За бешамелот:
- 500мл млеко
- 2 лажици брашно
- 30гр путер
- 3 лажици маслиново масло
Подготовка: Прво направете го бешамел сосот, така што ќе го растопите путерот, ќе го додадете маслиновото масло и брашното. Пржете 2-3 минути, постојано мешајќи, па додадете го млекото. Посолете и додадете црн пипер. Варете додека не се згусне, со постојано мешање. Тавчето во која ќе печете, премачкалте го со путер, па ставете една тортиља, премачкајте ја со бешамел, наредете кашкавал и шунка и така се додека не ги потрошите состојките. Последниот ред треба да е тортиља која ќе ја премачкате со бешамел. Ставете одозгора 4 парчиња кашкавал и печете во загреана рерна на 190 степени околу 20 минути. Добар апетит!
