Потребно:
- 1 главица карфиол
- 1 јајце
- 120 гр брашно
- 120 мл млеко
- 1 лажичка прашок за печиво
- 1/2 лажичка сол
- 1/4 лажичка црн пипер
- 1/4 лажичка рендано морско оревче
- Сончогледово масло
Подготовка: Карфиолот исчистете го, одделете го на цветови и измијте го. Варете го во зовриена солена вода 8-10 минути. Штом омекне, процедете го и оставете го во цедалка добро да се исуши. Направете густа смеса за похување. Во сад изматете ги јајцата, солта, биберот и морското оревче. Наизменично додадете брашно помешано со прашок за печиво и млеко. Оставете го тестото да отстои половина час. Загрејте многу масло во помал сад на средна топлина. Потопете го секое парче карфиол во тестото и пржете во масло додека парчињата не поруменат од сите страни. Вадете ги со решетка лажица на хартиена крпа за да се впие вишокот маснотии. Послужете топло. Добар апетит!
