Потребно:
- 250 гр брашно
- 120 мл вода
- 3 лажици масло
- 1 лажичка прашок за печиво
- 1/2 лажичка сол
- 150 гр суво месо
- 100 гр гауда
- 2 лажици кисела павлака
Подготовка: Во брашното додадете вода, масло, прашок за печиво и сол и замесете лепливо тесто. Поделете го на два дела. На набрашнета површина развлечете го тестото со големина на чинија. Ако се лепи, посипете го со малку брашно, намачкајте ја чинијата со масло и врз неа ставете го развлеченото тесто. Премачкајте го тестото со павлака, наредете го сувото месо, а потоа гаудата. Ставете го вториот дел од тестото развлечен како првиот. Поврзете ги рабовите и малку завиткајте. Лепињата ставете ја на загреана тава подмачкана со масло. Печете покриено по пет минути од секоја страна. Се сече на триаголници или се сервира цело парче. Добар апетит!
