Потребно:
- 800 гр мелено месо
- 1 кромид
- Сол
- Црн пипер
- Мелена слатка пиперка
- Лук во прав
За полнење:
- 1 кромид
- 2 домати
- 1/3 пиперка
- 140 гр кашкавал
- 1 лажица мајонез
Подготовка: Во сад измешајте го меленото месо, исечканиот кромид, сол и бибер, па посипете со слатка пиперка и лук во прав. Сè убаво измешајте со раце, па покријте со проѕирна фолија и ставете во фрижидер половина час. Во сад измешајте ги ситно сечканиот кромид, доматите, пиперката и ренданиот кашкавал. Зачинете со сол и бибер и додадете мајонез, па сè добро измешајте. Подмачкајте го плехот со масло, па од месото формирајте кружни форми. Со навлажнета чаша за ракија притиснете ја средината на секое, за да направите вдлабнатина. Направете го тоа додека не го потрошите месото, а потоа наполнете ја секоја вдлабнатина со подготвениот фил. Печете на 180°C околу 40 минути. Добар апетит!
