Потребно:
- 4 големи компири
- 250 г свежи печурки (шампињони или други печурки по ваш избор)
- 1 кромид
- 1 чешне лук
- 100 г чадена сланина
- 100 г кашкавал
- 2 лажици маслиново масло
И уште:
- 50 г урда или фета сирење
- Млад кромид (ситно исечкан)
- Павлака
Подготовка: Измијте ги компирите и печете ги цели во рерна на 200 °C околу 40 минути, додека не омекнат. Потоа исечете ги на половина и внимателно издлабете ја средината со лажица, оставајќи раб дебел околу 1 см. Издлабената внатрешност зачувајте ја. Загрејте го маслиновото масло во тава. Додадете го ситно исечканиот кромид и пржете додека не стане стаклест. Потоа додадете ги исечканите печурки и пржете додека не ја испуштат водата и малку не поруменат. На крај, додадете ја сланината исечена на коцки и кратко пржете. Измешајте ја издлабената средина од компирот (изгмечена со вилушка), лукот, половина од ренданиот кашкавал во смесата и зачинете со сол и црн пипер. Наполнете ги половините од компири со подготвената смеса. Посипете со преостанатиот кашкавал и ставете ги во рерна уште 10-15 минути, додека капкавалот не се растопи и малку не порумени. Декорирајте ги полнетите компири со издробена фета или урда, наросете со сечкан млад кромид и послужете со павлака. Добар апетит!
