Потребно:
- 6 палачинки
- 300гр урда
- 1 јајце
- 50гр гауда кашкавал
- 2 зденки
- 300мл млеко
- 30гр путер
- 1 полна лажица брашно
- Сол
Подготовка: Испечете палачинки по сопствен рецепт. Растопете го путерот на тивок оган и пропржете малку брашно. Со постојано мешање, додадете го млекото и варете додека не се згусне. Урдата изгмечете ја со вилушка, додадете го јајцето и измешајте. Додадете ја ренданата гауда, малку сол, зденките исечени на ситни парчиња и сè убаво измешајте. Ставете ја смесата во средината на секоја палачинка и свиткајте во ролна. Палачинките ставете ги во подмачкан плех, покријте ги со бешамелот и печете ги во загреана рерна на 200 степени околу 20 минути додека не се формира убава кора. Добар апетит!
