Потребно:
За тестото:
- 260 мл вода
- 50 мл масло
- 10 гр прашок за печиво
- 1 лажичка шеќер
- 1/2 лажичка сол
- 240 гр брашно
За полнење:
- 500 гр зелка
- 70 гр кромид
- 70 гр моркови
- 1/2 лажичка сол
- 1/4 лажичка шеќер
- Бибер по вкус
- 15 гр магдонос
- 1 лажица масло
- Сусам за посипување
Подготовка: Исечкајте го кромидот и изрендајте го морковот, а потоа загрејте го маслото во тава и додадете ги. Продинствувајте ги кратко, па додадете ја сечканата зелка. Промешајте, па додадете сол, шеќер и бибер. Промешајте, покријте и гответе на тивок оган околу 10 минути. Додадете го сечканиот магдонос, промешајте, па динствувајте уште неколку минути и оставете да се излади. Во брашното додадете сол, шеќер и прашок за печиво. Додадете ги водата и маслото, па замесете тесто за мрзлива пита. Половина од тестото за мрзливата пита истурете го во плех обложен со хартија за печење, ставете го филот со зелка, па распоредете го остатокот од тестото. Мрзливата пита посипете ја со сусам и печете на 180°C околу 40 минути. Покријте го со крпа и оставете питата да се излади пред да ја дегустирате. Добар апетит!
