Потребно:
- 1,2 л млеко
- 6 жолчки
- 60 г густин (пченкарен скроб)
- 180 г шеќер
- 1 лажичка ванилин шеќер
- 50 г путер
- 450 г мали бисквити
- 100 г мелени ореви
Подготовка: Во сад изматете ги жолчките со шеќерот, ванилиниот шеќер и густинот. Додадете малку млеко за да добиете мазна смеса без грутки. Остатокот од млекото доведете го до вриење, а потоа полека додадете ја изматената смеса постојано мешајќи. Гответе на средна температура додека не се згусне во густ крем. Кога кремот ќе се згусне, тргнете го од оган и додадете го путерот. Мешајте додека целосно не се растопи и не се соедини со филот. Наредете еден ред бисквити во плех за печење со средна големина, а потоа покријте го со дел од топлиот фил. Посипете со мелени ореви. Повторете го процесот додека не го потрошите целиот материјал. Завршете со фил и ореви. Оставете го колачот во фрижидер да се стегне најмалку 3 часа, идеално преку ноќ. Исечете на коцки и послужете разладено. Добар апетит!
