Потребно:
- 500 гр филе ослич (или друга риба)
- 1 мал компир
- 1 мала главица црвен кромид
- 3 чешниња лук
- 1 јајце
- 2 лажици презла (по потреба повеќе, во зависност од конзистентноста на смесата)
- 1 лажица сенф
- 1 лажичка суво оригано или мајчина душица
- Сол и бибер по вкус
Подготовка: Ако сте купиле цела риба, прво исчистете ја добро, а ако сте купиле филети, иситнете ги во блендер или ситно исечкајте ги. Излупете ги и сварете ги компирите, а кога ќе се изладат изгмечете ги во пире. Кромидот и лукот ситно исечкајте ги. Во сад измешајте ја сечканата риба, пирето, исечканиот кромид и лук, сенфот, ориганото (или мајчината душица), јајцето, солта и биберот. Додадете ја презлата и сè убаво измешајте. Додадете уште презла доколку е потребно, а потоа обликувајте ги плескавиците со влажни раце. Од оваа смеса ќе се направат четири поголеми или осум помали плескавици. Загрејте го маслото во тава и пржете ги на средна топлина 4 до 5 минути од секоја страна, додека не поруменат и не станат крцкави. Послужете ги плескавиците со лимон, свеж зеленчук или со сос по ваш избор, како тартар сос или сос од јогурт. Добар апетит!
