Потребно:
- 250 гр мелено месо
- 200 гр ориз
- 1 виолетов кромид
- 2 чешниња лук
- 1 црвена пиперка
- 150 гр грашок
- 4 лажици ајвар
- 2 домати
- 600 мл врела вода
- 1/2 коцка зеленчук
- Сол
- Црн пипер
- Мелен црвен пипер
Подготовка: Загрејте го маслото и пропржете го месото додека не ја промени бојата. Додадете го сечканиот кромид и лук и пржете неколку минути. Додадете ја пиперката исечкана на коцки и грашокот, па оставете да готви околу 5 минути. Потоа додадете го оризот, зачинете и гответе со додавање на водата во која сте ја растопиле коцката зеленчук. Кога оризот ќе омекне, додадете го ајварот, зачинете по вкус и убаво измешајте. Послужете со салата. Добар апетит!
