Потребно:
- 1 тиквичка или модар патлиџан
- 1 голема праска
- Рукола
- Маслиново масло
- Оцет балсамико
Напомена: Зеленчукот може да биде по ваш избор.
Подготовка: Една тиквичка исечкајте ја на кришки со дебелина од 5-10 мм и испечете ја на грил тава додека малку да омекне. Исечете една голема праска и исто така испечете ја на грил тава. Во сад за салата измешајте свежа рукола и друг сезонски зелен лиснат зеленчук по ваш избор. Зачинете со маслиново масло и балсамико оцет, посолете по вкус и измешајте. За сервирање наредете ги над салатата испечените тиквички и праски, додадете ореви или бадеми и посолете. Ваквата салата може да се подготви и со модри патлиџани кога им е сезона, а добра е и како летна вечера бидејќи истовремено е освежителна и заситува. Добар апетит!
