Потребно:
- 1кг пилешко месо по избор
- 500гр компир
- 400гр шампињони
- 2 моркова
- 2 главици кромид
- 100мл масло за јадење
- 250мл вода
- 1 лажица сув зачин
- Сол
Подготовка: Рерната нека се загрее на 200 степени. Најдобро е да користите земјена тава со капак, но може и огноотпорна тава исто така со капак. Ако немате капак, користете алуминиумска фолија. Кромидот исечкајте го на кришки, додадете го сувиот зачин, измешајте и ставете го на дното од тавата. Преку него, ставете го месото, излупениот и исечкан компир и морков, па шампињоните. Додадете ја водата, прелијте со маслото и некои други зачини ако сакате, и ставете да се пече се заедно 60 до 90 минути. Послужете го топло со сезонска салата.
