РЕЦЕПТ НА ДЕНОТ: Тиквици полнети со пилешко

Вака подготвените тиквички, буквално се топат во уста. Ова претставува идеален оброк за целото семејство.

Потребно:

  • 2 главици кромид
  • 2 чешниња лук
  • 4-5 тиквички
  • 3 парчиња филе од пиле
  • Црвен пипер
  • Сол
  • Бибер
  • Домат
  • 2дл кисела павлака

Подготовка: На масло пропржете го кромидот, а тиквичките измијте ги, исечете ги по должина и издлабете ги, а издлабениот дел исечете го на коцки и додадете ги во кромидот. Пилешкото месо посебно сварете го, исечкајте го на коцки и додадете ги во претходната смеса. Се заедно динствувајте додека не испари водата, па додадете го црвениот пипер, посолете и ставете бибер. Полнете ги тиквичките со оваа смеса, наредете ги во огноотпорен сад и пред печење прекиријте ги со тенко исечени парчиња домат. Кога тивкичките ќе бидат речиси испечени, извадете ги од рерна, прелијте ги со киселата павлака и вратете ги во рерна уште малку да се запечат.