Потребно:
- Несолен путер за подмачкување
- 320 гр готово тесто
- 2 лажици маслиново масло
- 400 гр компири, тенко исечени на кришки
- 1 кромид, тенко исечкан
- 1 лажичка свежи листови мајчина душица
- 150 гр кашкавал, изрендан
- 200 мл павлака за готвење
- 3 јајца
Подготовка: Подмачкајте го садот за пита. Готовото тесто одвиткајте го и со него обложете ја тавата. Нежно притиснете го тестото на страните на тавата, а потоа исечете го вишокот. Оставете го во фрижидер да се олади околу 15 минути. Загрејте ја рерната на 180°C. Основата на тестото избоцкајте ја со вилушка, обложете ја со хартија за печење, а потоа истурете ориз до врвот на тавата за да ја задржи формата за време на печењето. Печете 15 минути додека страните на тетсото не станат цврсти, а потоа тргнете ја хартијата и печете уште 10 минути додека не порумени. Извадете го од рерна и отсечете ги сите нерамни рабови од тестото. Ставете го садот на решетка за ладење. Во меѓувреме, ставете голема тава на силен оган и додадете масло. Компирите и кромидот пропржете ги 20-25 минути со редовно мешање додека не се сварат компирите. Измешајте ја мајчината душица и поголемиот дел од кашкавалот, па распоредете во тавата. Изматете ја павлаката за готвење и јајцата, добро зачинете, па прелијте врз компирите. Посипете со преостанатиот кашкавал, па печете 40-45 минути додека не порумени и јајцето не се стегне. Оставете да отстои 5 минути, а потоа послужете. Добар апетит!
