Потребно:
- 1 кг компири
- 100 гр моркови
- 100 гр месен нарезок
- 100 гр грашок
- 4 јајца
- 30 мл масло
- 200 гр кашкавал
Подготовка: Исечете ги компирите на кругови, прелијте ги со вода и оставете да отстојат 10 минути, па процедете ги. Во поголемо тавче кусо пропржете ги компирите, околу 5 минути, па додадете го морковот исечкан на коцки и грашокот. Додадете зачини по желба, па пропржете уште малку. На крајот додадете го исечканиот месен нарезок. Пржете уште 10 минути, па тргнете го тавчето од шпорет. Додадете ги изматените јајца и измешајте. Половина од смесата истурете ја во тавче обложено со хартија за печење, па наросете со рендан кашкавал. Одозгора ставете го преостанатиот дел од смесата со компири. Покријте со алуминиумска фолија и печете во загреана рерна на 200°C околу 30 минути. Потоа извадете ја фолијата, посипете со преостанатиот кашкавал и печете уште 15 минути. Добар апетит!
